Bydd y cynnig yn ceisio caniatâd cynllunio llawn ar gyfer codi 27 o anheddau, ynghyd â darparu mynediad newydd, ffordd fynediad fewnol, ardaloedd wedi’u tirlunio, darpariaethau draenio cysylltiedig a gwaith cysylltiedig ar dir ger Stad Gorseddfa, Cricieth.

Mae’r datblygiad arfaethedig yn darparu cymysgedd da o dai, yn cynnwys y canlynol:

​

• 4 byngalo dwy ystafell wely

• 1 byngalo pedair ystafell wely

• 10 annedd dwy ystafell wely

• 7 annedd tair ystafell wely

• 1 annedd pedair ystafell wely

• 4 fflat un ystafell wely

Mae’r cynnig yn ceisio darparu pob un o’r 27 annedd fel anheddau fforddiadwy, sy’n uwch na gofyniad y polisi o 30%. Bydd yr unedau’n cael eu darparu a’u rheoli gan Landlord Cymdeithasol Cofrestredig (LCC) lleol, sef Adra (Tai) Cyf.

Dangosir dyluniad pob math o dŷ yn y cynlluniau perthnasol. O ran ymddangosiad, bydd yr eiddo’n cael eu gorffen mewn cymysgedd o ddeunyddiau er mwyn darparu ar gyfer arddulliau ac ymddangosiadau gwahanol ar y safle. Mae’r deunyddiau arfaethedig yn cynnwys:

​

• To: llechen naturiol neu deils

• Waliau: rendr / cladin carreg

Mae’r cynllun arfaethedig yn cynnwys darpariaeth gysylltiedig o fannau agored anffurfiol i ochr y safle, yn ogystal ag ardal gymysg i dde’r safle ar gyfer man agored cyhoeddus anffurfiol ac i hwyluso strategaeth ddraenio gynaliadwy ar gyfer y datblygiad. Bydd coridor ecolegol yn cael ei ddarparu ar ran dde-ddwyreiniol / ddwyreiniol y safle er mwyn gwella bioamrywiaeth.

Mae’r cynnig yn ceisio darparu mynediad i gerbydau yn uniongyrchol oddi ar Stad Gorseddfa drwy ymestyn y ffordd bengaead bresennol tuag at y safle ac yna darparu ffordd fynediad fewnol i’r anheddau. Bydd y cynnig hefyd yn darparu mynediad diogel i gerddwyr o fewn y safle i gysylltu â’r ystâd dai bresennol i’r gorllewin.