Mae caniatâd cynllunio wedi’i roi’n flaenorol ar gyfer newid defnydd tir ar gyfer creu cyfleuster llety byw dros dro oddi ar y safle ar gyfer gweithwyr sy’n gysylltiedig â phrosiect VIP Eryri, addasiadau i’r fynedfa gerbydau bresennol, creu ffordd fynediad fewnol, codi adeilad gwasanaeth/lles cysylltiedig dros dro ynghyd â gwaith cysylltiedig ar dir ym Mlaen Cefn, Penrhyndeudraeth dan ganiatâd cynllunio NP5/76/323R.

Mae'r defnydd o'r safle i ddarparu llety i weithwyr sy'n gysylltiedig â Phrosiect VIP Eryri wedi dechrau'n ddiweddar. Fodd bynnag, oherwydd oedi cyn dechrau’r gwaith cloddio twnnel sy’n ymwneud â Phrosiect VIP Eryri, bydd angen darparu llety ar gyfer gweithwyr sy’n gysylltiedig â gwaith tyllu’r twnnel am gyfnod estynedig hyd at ddiwedd Rhagfyr 2027, gyda’r angen am tua 6 mis pellach i glirio ac adfer y safle.

O ganlyniad, mae’r cais hwn yn cael ei gyflwyno i gytuno i barhau i ddefnyddio’r safle dros dro i ddarparu llety ar gyfer gweithwyr prosiect am gyfnod estynedig hyd at ddiwedd Rhagfyr 2027.

Nid oes angen unrhyw newidiadau eraill i'r cynllun a gymeradwywyd yn flaenorol o dan ganiatâd cynllunio NP5/76/323R.

Mae'r egwyddor o ddefnydd dros dro o'r safle i ddarparu llety i weithwyr sy'n ymwneud â Phrosiect VIP Eryri wedi'i dderbyn yn flaenorol. Mae'r cais hwn yn ceisio ymestyn y defnydd am ddwy flynedd arall; tan ddiwedd Rhagfyr 2027, oherwydd oedi cyn dechrau o ran gwaith cloddio twnnel.

Er bod y cynnig yn tynnu’n groes i’r polisïau yn y cynllun datblygu mabwysiedig, mae’r cynnig yn un dros dro ac mae’n ofynnol er mwyn cefnogi prosiect VIP Eryri a fydd yn cynorthwyo i ddarparu cyfle mawr i warchod a gwella rhinweddau arbennig a harddwch naturiol, bywyd gwyllt a threftadaeth amgylcheddol Parc Cenedlaethol Eryri.