Sgwar Glynllifon, Y Groeslon | Cadnant Planning

Cynllun tai fforddiadwy ar dir ger Sgwâr Glynllifon, Y Groeslon

Mae Cadnant Planning Cyf wedi cael ei chomisiynu gan Williams Homes (Bala) Cyf ac Adra (Tai) Cyf i gynnal ymgynghoriad cyn gwneud cais (YCC) mewn perthynas â datblygiad arfaethedig ar dir yn Sgwâr Glynllifon, Groeslon.

Rydym yn rhoi hysbysiad bod Williams Homes (Bala) Cyf ac Adra (Tai) Cyf yn bwriadu gwneud cais am ganiatâd cynllunio llawn ar gyfer codi 12 annedd fforddiadwy, creu mynediad cerbydol newydd ynghyd â gwaith cysylltiedig ar gyfer mynediad mewnol, parcio, tirlunio, man agored cyhoeddus a draenio.

Cyn cyflwyno’r cais yn ffurfiol i’r Awdurdod Cynllunio Lleol ac yn unol â’r gofynion a nodir yn Rhan 1A o Orchymyn Cynllunio Gwlad a Thref (Gweithdrefn Rheoli Datblygu) (Cymru) (Diwygio) 2016, bydd yr holl waith yn destun ymgynghoriad cyn gwneud cais

Dogfennau drafft cais cynllunio

Mae'r datblygiad hwn yn cael ei gyflwyno gan Williams Homes (Bala) Ltd ac Adra (Tai) Cyf fel ymgeiswyr ar y cyd ar gyfer cynllun tai fforddiadwy 100% i ddarparu 12 annedd breswyl ar dir ger Sgwâr Glynllifon, Y Groeslon. Mae'r cynnig yn ceisio darparu tai fforddiadwy y mae eu hangen yn fawr fel rhan o Gynllun Gweithredu Tai Cyngor Gwynedd, gyda'r nod o fynd i'r afael â'r diffyg sylweddol mewn eiddo fforddiadwy ar draws y Sir. Mae safle'r cais wedi ei leoli y tu allan, ond yn uniongyrchol gyfagos i Ffin Ddatblygu y Groeslon, felly mae'r cynnig yn cael ei gyflwyno fel safle eithriad i ddarparu tai fforddiadwy 100%.

Byddai'r datblygiad yn ceisio darparu mathau a meintiau tai sy'n mynd i'r afael ag anghenion penodol y gymuned leol. Cynigir y cymysgedd tai canlynol fel rhan o'r cynllun:

• 1 byngalo 3 ystafell wely;

• 5 tŷ 2 ystafell wely;

• 2 tŷ 3 ystafell wely;

• 3 tŷ 5 person; a

• 1 tŷ 4 ystafell wely.

Mae'r datblygiad arfaethedig hefyd yn cynnwys gwaith i ddarparu mynedfa gerbydau newydd i'r safle o Sgwâr Glynllifon, creu ffordd fewnol, tirlunio, creu ardal o fannau agored cyhoeddus a seilwaith draenio.