Bydd y cynnig yn gofyn am ganiatâd cynllunio llawn ar gyfer cynllun datblygu preswyl diwygiedig o'i gymharu â'r hyn a wrthodwyd yn flaenorol gan gais cynllunio 0/52434.

Byddai'r datblygiad arfaethedig yn cynnwys dymchwel yr adeilad presennol ar y safle a chodi 12 o unedau newydd ynghyd â darparu gwellianau ir fynediad cerbydau, ffordd fynediad fewnol, tirlunio a darpariaethau draenio cysylltiedig.

Mae'r datblygiad arfaethedig wedi ceisio lleihau nifer y tai o 13 uned i 12 uned i fynd i'r afael â'r pryderon blaenorol yn ymwneud â dwysedd a gorddatblygu. Mae'r cynllun diwygiedig wedi tynnu'r eiddo 5 ystafell wely mawr (plot 10 yn flaenorol) o'r cynllun ac yn caniatáu mwy o le i ddarparu system ddraenio gynaliadwy addas yn ogystal â darparu mwy o blannu ar y safle at ddibenion sgrinio a gwella bioamrywiaeth. 

Mae'r datblygiad arfaethedig yn darparu cymysgedd da o dai sy'n cynnwys y canlynol;

•     1 x tŷ 4P 2 ystafell wely

•     1 x tŷ 5P 3 ystafell wely

•     1 x tŷ 6P 3 ystafell wely

•     2 x dŷ 6P 3 ystafell wely

•     3 x tŷ 6P 3 ystafell wely

•     4 x tŷ 8P 4 ystafell wely

Er gwaethaf y gostyngiad o un uned, mae'r cynllun diwygiedig yn dal i geisio darparu ar gyfer dwy uned fforddiadwy ar y safle, sef mathau o dai A1 ac A2 a fydd yn ffurfio dau eiddo pâr sy'n cynnwys eiddo dwy ystafell wely a thair ystafell wely.

Byddai'r tai yn ffurfio cul-de-sac, gyda'r tai eu hunain wedi'u lleoli yng nghanol y safle a'r ardaloedd gardd breifat yn wynebu allan tuag at y ffiniau. Bwriedir cadw a gwella ardal goetir fach gyfagos i'r gogledd o'r safle trwy ddarparu plannu ychwanegol. Bydd plannu a thirlunio ychwanegol hefyd yn rhan o weddill y cynllun tra bod gwaith plannu oddi ar y safle hefyd yn cael ei gynnig i'r gorllewin fel cynllun o wella bioamrywiaeth.

Cynigir ffordd fynediad fewnol newydd i gysylltu â'r fynedfa bresennol sydd eisoes yn gwasanaethu'r eiddo ar y safle.

O ran maint a graddfa, bydd y datblygiad yn cynnwys cymysgedd o eiddo dau a thri llawr, yn gyson â'r cais blaenorol. Fodd bynnag, o ystyried y rhesymau gwrthod a godwyd yn y cais blaenorol, mae dyluniad yr eiddo bellach wedi'i ddiwygio. Mae'r drychiadau eiddo wedi'u symleiddio, gyda llai o wydr ar y drychiadau wyneb.

Dangosir dyluniad pob math o dŷ yn y cynlluniau priodol. O ran ymddangosiad, bydd y tai yn cael eu gorffen mewn cymysgedd o ddeunyddiau i ddarparu ar gyfer gwahanol arddulliau ac ymddangosiad ar y safle. Mae'r deunyddiau a gynigir yn cynnwys:

​

•     To: Llechi neu deils naturiol;

•     Waliau: Rendro / cladin

Mae'r cynllun arfaethedig yn cynnwys mynediad i gerbydau yn uniongyrchol oddi ar y ffordd fewnol neu drwy drac preifat sy'n arwain i'r ffordd fewnol. Bydd gan bob un o'r eiddo sydd â 3+ ystafell wely, darpariaeth o 3 lle parcio o fewn y plot tra bydd gan y ddwy uned fforddiadwy 2 le parcio yr un. Mae'r cynllun hefyd yn cynnig darparu nodwedd Suds ar gornel ogledd-ddwyreiniol y safle i ddelio â dŵr wyneb a grëwyd o'r safle.