Mae’r cynnig hwn yn ceisio darparu cynllun amgen i’r datblygiad preswyl a gymeradwywyd yn flaenorol ar gyfer Summerhill, Caerwys, a gymeradwywyd o dan gyfeirnod caniatâd cynllunio 0/54007 ar gyfer ffurfio cam 4 or datblygoad. Mae caniatâd cynllunio 0/54007 ar waith ar gyfer codi 67 o anheddau ar draws y safle; fodd bynnag, mae ceisiadau 0/61030 a FUL/000397/22 dilynol wedi’u cyflwyno i ddiwygio niferoedd a gosodiad nifer or unedau ar rannau. Hyd yma, mae 16 o unedau wedi’u hadeiladu ar y safle o dan ganiatadau 0/54007 a 0/61030 (Cam 1 a 2), gyda chaniatâd cynllunio pellach ar gyfer 9 uned y gellir eu datblygu o dan gais cyfeirnod FUL/000397/22 (Cam 3).

Mae cynllun amgen yn cael ei fwriadu oherwydd materion hyfywedd sy’n gysylltiedig â’r cynllun gwreiddiol. Byddai’r cynllun amgen yn ceisio datblygu gweddill y safle drwy godi 25 o unedau, gan ddarparu cymysgedd o fflatiau, tai pâr ac anheddau teuluol ar wahân. Byddai’r datblygiad hefyd yn cynnwys gwaith tirlunio meddal a chreu seilwaith draenio addas.

Byddai’r cynnig yn darparu’r cymysgedd tai canlynol:

·        4 x fflat un ystafell wely;

·        2 x annedd bâr dwy ystafell wely;

·        12 x annedd bâr tair ystafell wely; a

·        7 x annedd ar wahân pedair a phum ystafell wely.

Byddai’r cynllun yn cynnwys darpariaeth ar y safle ar gyfer tai fforddiadwy, yn amodol ar hyfywedd.