Mae Cyngor Gwynedd yn ceisio codi cartref gofal preswyl ar hen safle Pentref Pwylaidd Penrhos fel rhan o ddatblygiad pellach y safle ehangach. Mae'r cartref gofal arfaethedig i fod i gymeryd lle cyfleuster tebyg a sefydlwyd yn flaenorol ar y safle y bu iddo gau ym mis Rhagfyr 2020.

Mae Pentref Pwylaidd Penrhos yn cael ei drawsnewid yn sylweddol i ddarparu 107 o gartrefi fforddiadwy o ansawdd uchel, ynni-effeithlon gan Tai ClwydAlyn.  Mae gwaith adeiladu Cam 1 yn agosáu at gwblhau, gyda gwaith ar gyfer cyfnod da a thri i ddilyn yn y dyfodol agos.  Mae Cyngor Gwynedd mewn cydweithrediad â Tai ClwydAlyn, yn edrych i ailddatblygu’r hen Bentref Pwylaidd a chreu amgylchedd byw modern o ansawdd uchel a'r cyfleuster cartref gofal yw elfen olaf yr uwchgynllun ailddatblygu hwn.  Mae Tai ClwydAlyn yn cyflenwi’r cynllun preswyl a Chyngor Gwynedd yn cyflawni’r cyfleuster cartref gofal.   Y bwriad gwreiddiol oedd i’r cartref gofal gael ei gynnwys yn yr un cais â'r cynllun preswyl, fodd bynnag, roedd  y cais preswyl wedi datblygu yn fwy na’r cartref gofal, mae’r ddau gynllun wedi’w symud ymlaen o dan geisiadau ar wahan, gyda caniatad wedi cael ei roi a gwaith yn mynd rhagddo ar y safle ar gyfer y datblygiad preswyl.

Mae’r datblygiad arfaethedig yn ceisio darparu cyfleuster gofal newydd, arloesol a phwrpasol drwy bartneriaeth rhwng Cyngor Gwynedd, Bwrdd Iechyd Prifysgol Betsi Cadwaladr a Cymdeithas Tai ClwydAlyn. Mae’r cartref gofal yn rhan o gampws iechyd a gofal integredig ehangach Penrhos ac mae’n cyd-fynd â blaenoriaethau polisi lleol a chenedlaethol i ailgydbwyso’r farchnad ofal, cefnogi darpariaeth gofal ddwyieithog, a darparu llety cynaliadwy o ansawdd uchel yn nes at gartrefi pobl.

Byddai’r datblygiad arfaethedig yn darparu cartref gofal preswyl a nyrsio modern o ansawdd uchel, yn cynnwys 32 o welyau gofal dementia preswyl a 24 o welyau gofal nyrsio, y bydd 8 ohonynt yn welyau nyrsio dementia. Bydd y cyfleuster wedi’i gynllunio yn unol â safonau rheoleiddiol modern, gan gynnwys cyfleusterau en-suite llawn ym mhob ystafell a nodweddion sy’n gyfeillgar i bobl sy’n byw gyda dementia. Bydd y cyfleuster hefyd yn cynnwys lle ar gyfer gwasanaethau ac amwynderau ychwanegol, gan gynnwys lolfa i breswylwyr, bwyty, ystafelloedd therapi, swyddfeydd ac ystafelloedd cyfarfod, salonau trin gwallt, ynghyd â chyfleusterau a mannau gwasanaeth priodol eraill. Bydd y cyfleuster hefyd yn cynnwys cwrt mewnol agored, yn ogystal â llwybr cerdded dan do sy’n cysylltu â’r bloc fflatiau cyfagos.

Yn ogystal â'r uchod, mae'r cynnig yn cynnwys gwaith cysylltiedig ar gyfer mynediad, man gollwng argyfwng/ambiwlans, parcio gyda darpariaeth ar gyfer mannau i'r anabl a baeau gwefru EV, ystafelll beiriannau, cynllun tirlunio cynhwysfawr gan gynnwys plannu coed a llystyfiant brodorol, a seilwaith draenio i gynnwys systemau draenio cynaliadwy.