Mae'r cais hwn yn cael ei gyflwyno gan Grŵp Amos Cymru Cyf, sy'n ceisio adnewyddu Mona Inn a Mona Isaf, ynghyd â throsi yr adeiladau allanol cysylltiedig, yn unedau preswyl marchnad agored. Mae'r adeiladau hyn yn asedau treftadaeth dynodedig, sydd wedi'u rhestru Gradd II a Gradd II* yn y drefn honno, ac maent wedi dadfeilio ar ôl blynyddoedd o esgeulustod. Cynhaliwyd gwaith brys diweddar i atgyweirio ac ailosod rhan o dô'r Mona Inn, a oedd mewn cyflwr difrifol, ac mae'r cynnig hwn yn ceisio sicrhau dyfodol hirdymor yr adeiladau hyn trwy gynllun hyfyw a wedi’w ystyried yn gynhwysfawr sy'n mabwysiadu dull cadwraeth.

Mae'r datblygiad yn ceisio adnewyddu'r adeiladau presennol a bydd yn lleoli pob uned breswyl newydd o fewn yr adeiladau presennol hyn, sydd i gyd wedi bod yn destun arolygon strwythurol ac yn cael eu hystyried yn addas i'w trosi. Mae'r adeiladau hyn hefyd wedi bod yn destun arolygon ecolegol ac asesiad effaith treftadaeth (HIS), ac ystyriwyd bod y cynnig yn addas. Bydd y gwaith corfforol yn cael ei gyfyngu i'r rhai sy'n angenrheidiol yn unig, a bydd deunyddiau allanol newydd yn ceisio cyd-fynd â'r gorffeniadau presennol.

Mae'r cais yn cyd-fynd â chynllun tirlunio a fydd yn darparu gwelliant sylweddol i fioamrywiaeth, ynghyd â strategaeth ddraenio gynaliadwy sy'n mabwysiadu egwyddorion cadwraeth dŵr a fydd yn ymdrin â draenio dŵr wyneb a dŵr budr.