Mae'r cynnig hwn yn ceisio cyflawni cynllun amgen i'r cynllun a gymeradwywyd yn flaenorol ar gyfer camau 4 a 5 o'r datblygiad preswyl o'r enw Penrhos Heights, a gymeradwywyd o dan gyfeirnod caniatâd cynllunio 0/46130. Mae caniatâd cynllunio ar waith ar gyfer codi 35 o anheddau ar draws y ddau ran yma, fodd bynnag, mae cynllun arall yn cael ei ddilyn oherwydd problemau hyfywedd gyda'r cynllun gwreiddiol. Mae trafodaethau wedi cael eu cynnal gyda'r awdurdod lleol drwy'r broses ymholiad cyn ymgeisio ffurfiol sydd wedi galluogi'r ymgeisydd i ddatblygu'r cynllun sydd bellach yn cael ei gynnig.

Byddai'r datblygiad yn ceisio cadw a throsi Queen's Lodge yn 11 o fflatiau, ac hefyd yn darparu cymysgedd o dai teuluol pâr a thai teuluol ar wahân. Byddai'r cynnig dan arweiniad cadwraeth, gan gadw dyfodol hirdymor Queen's Lodge, tra'n darparu cynllun preswyl o ansawdd uchel ar draws gweddill y safle. Byddai'r datblygiad hefyd yn cynnwys gwaith tirlunio cynhwysfawr a chreu seilwaith draenio addas.

Byddai'r cynnig yn darparu'r cymysgedd canlynol o dai:

•          11 x o fflatiau dwy ystafell wely;

•           6 x annedd pâr tair ystafell wely; a

•          12 x annedd ar wahân pedair a phum ystafell wely.

Byddai’r bwriad yn darparu tai fforddiadwy ar y safle, yn amodol ar hyfywedd.