Mae’r prosiect yn ymwneud ag ailddatblygu’r safle arfaethedig, sy’n cynnwys dymchwel adeiladau presennol a chodi 58 o anheddau fforddiadwy, ynghyd â darparu mynedfa newydd, ffordd fynediad fewnol a gwaith cysylltiedig ar dir ger Ffordd Rhosddu, Wrecsam.

Mae safle’r cais o fewn ffin datblygu Wrecsam ac mae’n cynnwys unedau preswyl presennol a chanolfan gofal dydd. Mae’r safle wedi’i amgylchynu’n bennaf gan eiddo preswyl, ynghyd ag ardal parc i’r de (gyferbyn â Garden Road) ac unedau masnachol/gofal iechyd (siop, fferyllfa ac uned campfa) wedi’u lleoli’n agos at y safle.

Mae’r prosiect yn cynnig dymchwel y bloc preswyl presennol ynghyd â adeiladau’r ganolfan gofal dydd, ac ail-ddatblygu’r safle drwy godi cyfanswm o 58 o anheddau fforddiadwy ynghyd â gwaith cysylltiedig.

Mae’r cynnig yn ceisio darparu mynedfa gerbydau newydd yn uniongyrchol oddi ar Ffordd Rhosddu i’r gogledd-ddwyrain ac oddi ar Garden Road i’r de. Mae dyluniad a lleoliad y mynedfeydd arfaethedig eisoes wedi cael eu trafod gyda Swyddogion Priffyrdd y Cyngor.

 Mae’r cynllun arfaethedig yn dangos ddarpariaeth parcio a mannau agored cyhoeddus i’w darparu o fewn y safle.

Mae’r datblygiad arfaethedig yn darparu cymysgedd da o unedau, sef:

​

• 5 o anheddau dwy ystafell wely;

• 5 o anheddau tair ystafell wely;

• 1 annedd pum ystafell wely;

• 2 fynglo un ystafell wely;

• 2 fynglo dwy ystafell wely;

• 1 bynglo pum ystafell wely;

• Bloc fflatiau A yn cynnwys cymysgedd o 16 × uned un ystafell wely a 6 × uned dwy ystafell wely;

• Bloc fflatiau B yn cynnwys cymysgedd o 8 × uned un ystafell wely a 6 × uned dwy ystafell wely;

• Bloc fflatiau C yn cynnwys cymysgedd o 3 × uned un ystafell wely a 3 × uned dwy ystafell wely.