Cynigion i ailddatblygu cyn gwrs golff gwag Llangefni i greu parc gwyliau a hamdden o ansawdd uchel, gan ddarparu llety gwyliau tymor byr a chyfleusterau hamdden cysylltiedig i ymwelwyr. Yn ogystal â llety gwyliau, mae'r cynigion yn cynnwys codi cyfleuster pentref gwyliau newydd a fydd yn cael ei ddodrefnu gyda champfa, bwyty a chaffi, pwll nofio, sawna, swyddfeydd a gofod amwynder.

Bydd y datblygiad yn cynnwys darpariaeth ar gyfer ystod o fathau o lety gwyliau, gan gynnwys y canlynol:

​

• 93 llety gwyliau dwy ystafell wely;

• 29 llety gwyliau un ystafell wely;

• 6 pod glampio; a

• 11 o leiniau carafanau a faniau gwersylla.

Mae'r cynigion yn ceisio creu parc gwyliau modern sy'n integreiddio'n dda i'r ardal gyfagos, ynghyd â chynllun tirlunio cynhwysfawr i gynnwys plannu coed newydd, gwrychoedd, blodau gwyllt a llystyfiant brodorol arall. Bydd systemau draenio cynaliadwy newydd hefyd yn cael eu creu gan gynnwys basnau draenio, a fydd hefyd yn gwella bioamrywiaeth ymhellach ac o fudd i fywyd gwyllt ledled y safle. Mae gwaith cysylltiedig hefyd yn cynnwys creu bloc toiled/cawod, creu mynediad newydd a ffyrdd mewnol, parcio ac ardaloedd storio gwastraff.

Mae'r datblygiad yn edrych i ddefnyddio'r tir gwag hwn a darparu cyfleuster twristiaeth a hamdden o ansawdd uchel, mewn lleoliad synhwyrol o ystyried y cyfleusterau hamdden presennol eraill sydd wedi'u lleoli ychydig y tu allan i Langefni, gan gynnwys Maes Ymarfer Golff a Mini Golff Môn ac Oriel Môn.