Ty Mawr, Cae Sgubor | Cadnant Planning

unedau gwyliau newydd ar dir yn Ty Mawr, Cae Sgubor, Ffordd Pennant, Eglwysbach,

Mae Cadnant Planning Cyf wedi eu comisiynu gan GJ & CW Davies i ymgymryd â ymgynghoriad cyn ymgeisio mewn perthynas a datblygiad arfaethedig ar dir yn Tŷ Mawr, Esgairebrill, Eglwysbach, Conwy, LL28 5UN.

Rhoddir hysbysiad bod GJ & CW Davies yn bwriadu gwneud cais am ganiatâd cynllunio llawn ar gyfer newid defnydd tir ar gyfer codi 5 uned gwyliau gyda gwaith cysylltiedig, gan gynnwys creu mynedfa newydd, creu ffordd fynediad fewnol a mannau parcio, gwaith peirianyddol a thirlunio.

Cyn ei gyflwyno'n ffurfiol i'r Awdurdod Cynllunio Lleol ac yn unol â'r gofynion a nodir yn Rhan 1A o Gorchymyn Cynllunio Gwlad a Thref (Gweithdrefn Rheoli Datblygu) (Cymru) (Diwigio) 2016, bydd y cynnig yn destun ymgynghoriad cyn ymgeisio.

CRYNODEB O'R CAIS

Fferm wartheg bîff glaswelltir yw Tŷ Mawr sydd wedi ei lleoli ar gyrion pentref Eglwysbach. Yn 2022, bydd y fferm yn dathlu 100 mlynedd a phedair cenhedlaeth o dan yr un perchnogaeth. Er mwyn cefnogi cynaladwyedd y fenter ffermio yn yr hir dymor, cynigir arallgyfeirio incwm y fferm trwy gyflwyno llety twristiaid a fyddai'n eistedd ochr yn ochr ag elfen amaethyddol y busnes.

Mae'r bwriad yn ymwneud â chais cynllunio llawn i newid defnydd tir ar gyfer codi 5 uned gwyliau fel cynllun arallgyfeirio amaethyddol ynghyd â gwaith cysylltiedig gan gynnwys creu mynedfa newydd, creu ffordd fynediad mewnol a mannau parcio, gwaith peirianyddol a thirlunio ar dir yn Nhŷ Mawr, Cae Sgubor, Eglwysbach. Mae'r datblygiad arfaethedig yn cynnwys 4 uned gwyliau un-ystafell wely ac un dwy-ystafell wely yn y cynllun gyda'r podiau gwyliau arfaethedig yn cael eu hadeiladu yn y fath fodd fel eu bod yn edrych fel eu bod wedi eu hadeiladu i mewn i ochr y bryn.