Mae'r safle’r cais yn gorwedd ar hyd Ffordd Ysguborwen i'r de.  I'r gogledd mae Ffordd Ddeuol Gogledd Cymru yr A55, i'r dwyrain Maes y Llan, a Ffynnon Wen i'r gorllewin.

​

Mae'r cynllluniau gan Cartrefi Conwy ar gyfer cynllun 100% o dai fforddiadwy yn Nwygyfylchi, Conwy. Mae safle’r cais wedi'i leoli o fewn ffin ddatblygu Dwygyfylchi, a gydnabyddir yn Brif Bentref o fewn y Cynllun Datblygu Lleol, ac mae'r safle wedi'i ddyrannu ar gyfer datblygu hyd at 15 o annedd.

​

Nod y cynllun yw darparu cymysgedd cytbwys o’r mathau o dai sy'n mynd i'r afael ag anghenion lleol a nodwyd. Mae'r cymysgedd tai arfaethedig fel a ganlyn:

• 6 x Fflat 1 ystafell wely;

• 2 x Tŷ 2 Ystafell Wely;

• 1 x Byngalo 2 Ystafell Wely; a

• 3 x Tŷ 3 ystafell wely

Byddai mynediad i'r safle yn cael ei ddarparu o Ffordd Ysguborwen, gyda mynedfa newydd i'w chreu ynghyd â ffordd fewnol a man i droi. Byddai pwynt mynediad y safle hwn yn darparu mynedfa i gerbydau a cherddwyr, a cynabyddir y gellid darparu cysylltiad llwybr troed i'r gogledd o'r safle.

Byddai darpariaeth barcio dynodedig, gardd, ardaloedd casglu biniau gyda mynediad cyfleus i nifer o fwynderau a mannau gwyrdd o fewn y safle, gan gynnwys yng nghornel ogleddol y safle sy'n cynnwys basn SuDS ac arglawdd seddi glaswellt haenog.

Byddai'r is-orsaf bresennol o fewn y safle yn cael ei chadw a byddai'r arhosfa fysiau wrth fynedfa'r safle yn cael ei symud i'r dwyrain o fynedfa'r safle, gan aros ar hyd Ffordd Ysguborwen.