YNGLYN A'R CAIS

 

Mae’r cais yn ymwneud â chais llawn am gynigion i wella llety a chyfleusterau twristiaid yn Forest Holidays, Beddgelert i gyflawni gwelliannau cyffredinol i’r safle trwy ildio 85 o leiniau carafan a gwersylla am 22 safle ar gyfer cabanau gwyliau hunangynhaliol pellach, a chodi adeilad derbynfa a chaffi newydd a gwelliannau cyffredinol i fioamrywiaeth a gwella’r dirwedd ychwanegol.

 

Mae Forest Holidays yn safle llety twristiaeth presennol ar gyrion pentref Beddgelert, yn darparu cymysgedd o feysydd carafanau teithiol a gwersylla, ynghyd â chabanau pren.  Mae Forest Holidays yn cynnig ffordd unigryw ac arbennig o fwynhau'r goedwig a helpu pobl i ailgysylltu â natur. Mae'r tir yn eu safleoedd yn cael ei reoli ar gyfer cadwraeth ac i greu mannau ym myd natur i bobl aros. Mae Forest Holidays yn cynnig cyfleoedd i bobl ddarganfod rhyfeddodau byd natur a helpu pobl i brofi ac ailgysylltu â choedwigoedd, gyda'u gilydd a gyda chymunedau gwledig.

 

Mae Forest Holidays Beddgelert yn un o 13 o safleoedd sy'n cael eu rhedeg gan Forest Holidays ledled y DU. Mae Forest Holidays yn creu profiadau o fewn y goedwig i’r teulu cyfan ac yn annog gwesteion i anturio yn y cymunedau gwledig yn yr ardaloedd y mae eu safleoedd wedi’u lleoli.

 

Mae'r cais yn Forest Holidays ym Meddgelert yn ffurfio rhan o uwchgynllun hamdden ymwelwyr ehangach ar gyfer Beddgelert, a baratowyd ar y cyd gan yr ymgeisydd, Forest Holidays a Roberts Group, perchnogion Cae Du a maes gwersylla Cae Canol ym Meddgelert. Mae'r prif gynllun hamdden i ymwelwyr yn cynnwys dau gais cynllunio ar wahân; yr cais yma yn Forest Holidays, a'r ail gais yn Cae Du/Cae Canol gan Roberts Group.

 

Nôd yr uwchgynllun hamdden i ymwelwyr fyddai datblygu a gwella’r ddarpariaeth llety twristiaeth ym mhentref Beddgelert drwy ehangu’r ddarpariaeth o gabanau gwyliau yn Forest Holidays, yn lle meysydd carafanau teithiol a gwersylla presennol, a gwella ac ehangu’r ddarpariaeth o leiniau carafanau teithiol a gwersylla yn Cae Du a Cae Canol. Byddai hyn yn sicrhau na fyddai ehangu'r cabanau gwyliau yn Forest Holidays yn arwain at golled gyffredinol o feysydd carafanau teithiol a gwersylla yn y pentref, gan y byddai lleiniau ychwanegol yn cael eu cynnig ar faes gwersylla Cae Du a Cae Canol.

 

Byddai'r uwchgynllun hamdden i ymwelwyr hefyd yn ceisio gwella ac uwchraddio'r llwybr aml-ddefnydd sy'n rhedeg ochr yn ochr â Forest Holidays, i Beddgelert.

Mae'r cynigion ar y ddau safle yn ceisio cyflawni gwelliannau amgylcheddol sylweddol trwy dirblannu a gwella bioamrywiaeth.